CymraegEnglish
Corff Cysgodol PDF Argraffu Ebost

Panel Diogelwch Cydenwadol

Rydym yn Gorff Cofrestredig ers 2003 ac yn gweithio drwy gyfrwng y Gymraeg i Eglwys Bresbyteraidd Cymru, Undeb yr Annibynwyr Cymraeg ac Undeb Bedyddwyr Cymru. Rydym yn Gorff Cysgodol ers 2008 ac yn medru gweithredu ar ran asiantaeth sydd am sicrhau ceisiadau am ddatgeliadau yn y Gymraeg neu Saesneg pe dymunir. Mae gennym bolïsiau perthnasol a bydd cyfle i drafod unrhyw agweddau o’r gwaith gyda siaradwyr Cymraeg er mwyn sicrhau perthynas gweithiol dda.

Y Broses rhyngom ni a’n cleientiaid:-

 1.      Sefydlu Cytundeb rhwng y Panel a’r Asiantaeth allanol

 2.      Gwirfoddolwr/Gweithiwr i dderbyn ffurflen o’r Swyddfa uchod wedi i’r Mudiad/Cwmni wneud cais uniongyrchol i’r Panel

 3.      Wedi derbyn y ffurflen, cyfrifoldeb y Mudiad/Cwmni fydd sicrhau bod y ffurflen yn cael ei chwblhau a’i dychwelyd atom, wedi ei chydarwyddo

 4.      Bydd y Panel yn sicrhau bod unigolyn/ion o fewn y Mudiad/Cwmni wedi eu hyfforddi i wirio y ffurflenni

 5.      Cynigir gwasanaeth hyfforddiant i’r Mudiadau/Cwmnïau a fydd yn defnyddio’r Corff Cysgodol yn unol â Chod Ymarfer y Swyddfa Cofnodion Troseddol (CRB), Datganiad Polisi ar Ddiogelwch Cadw, Trin, defnyddio, Dal a Chael gwared â Datgeliadau a Gwybodaeth Datgeliad a Datganiad Polisi ar Recriwtio Cyn-droseddwyr

 6.      Wedi derbyn y ffurflen gais yn ôl i’r Swyddfa uchod, cyfrifoldeb y staff fydd gwirio’r Ffurflen ar gyfer unrhyw wallau, a’u cywiro

 7.      Bydd y Blaen Lofnodwr Y Parch Meirion Morris yn arwyddo a chwblhau Adran Y, cyn anfon y ffurflen i’r CRB

 8.      Yr unig rai fydd yn derbyn Datgeliad oddi wrth y CRB fydd yr Ymgeisydd â’r Blaen Lofnodwr

 9.      Bydd y Blaen Lofnodwr yn trosglwyddo’r Datgeliad i berson awdurdodedig o fewn y Mudiadau/Cwmnïau yr ydym yn gweithio fel Corff Cofrestredig drostynt

 10.  Ni fydd y Panel uchod yn prosesu unrhyw ffurflenni oni fydd taliad llawn yn amgaeedig gyda’r ffurflen gais

 11.  Cyfrifoldeb y Panel uchod fydd trosglwyddo taliadau i’r CRB.

 12.  Bydd y penderfyniad recriwtio - wedi i’r Mudiadau/Cwmnïau gael gwybodaeth Datgeliad - yn gyfrifoldeb arnynt hwy, nid ar y Panel

 13.  Ni fydd y Panel uchod yn cynnig cyngor i’r Mudiadau/Cwmnïau pan ddigwydd datgeliad aneglur ar Wirfoddolwr/Gweithiwr sydd wedi gwneud cais drwy’r Corff Cysgodol